DENISON

["Numbers," lines 259-301. See Beichner, vol. I, pp. 190-91.]

Sic Christi corpus de mortis puluere surgens,
Ad uite florem morte stupente redit;
Sed uice uirgarum que non habuere iuirorem
Arida post mortem corpora nostra iacent.
Et ueluti uirge iocundis floribus Aaron
Enituit meritum presbyterique gradus:
Florida sic Christi surrectio denotat ipsum
Esse Sacerdotem qui rogat ante Patrem.

Aaron uirga, Dei Virgo peperisse feruntur,
Arboris illa nuces, etheris ista Deum;
Fert sine radice, profert sine seminis usu,
Arida uirga nuces, integra Virgo Deum.
Nux, fauus, electrum prodit de Virginis aluo,
Christum hominem Christumque Deum pariente Puella;
Nam sicut cere mel, teste nucleus, auro
Iungitur argentum, sic iuncta caro Deitati.

Dum de mysterio incarnationis tractaretur, adiunctum est: Precipe filiis Israel ut adducant uaccam rufam, etatis integre, in qua non sit macula nec portauerit iugum, tradantque Eleazaro sacerdoti, qui immolabit eam extra castra et intinget digitum in sanguine eius, aspergens contra fores tabernaculi .vii. uicibus, comburetque eam, tam pelle quem carnibus cum sanguine et fimo flamme traditis.

Pro nobis oblata Patri caro candida Christi
Bos est rufa, crucem passa, cruore rubens.
Christi perfectos actus uacce notat etas
Integra nam Christus perficit omne bonum;
Vacca iugo maculaeque caret quia Christus ab omni
Peccato liber uixit et absque nota.
Extra castra foras Eleazarus immolat illam:
Immolat Auctorem sic synagoga suum;
Illa necat Christum, peccans ex parte malorum,
Ex electorum parte Benigna manens.
Hic extra portam patitur, sed porta salutis
Nobis illius passio facta fuit.
Intingens digitum sacrifex in sanguine contra
Claustra tabernaculi spargere nouit eum.

[Heading untranscribed]

Fit pax per digitum; diuisio congruit illi;
Discretos sensus ergo notare potest.
Sanguine sic tingit digitum cum, sacra recordans
Vulnera, discrete quisque fidelis agit;
Claustra tabernaculi respergit sanguinis unda
Cum de morte crucis pectora nostra docet;
Septenis uicibus digitum de sanguine tingit,
Perfecte Christi probra crucemque sequens.
Post carnem cum pelle, fimum cum sanguine torrens,
Oblatum sacrifex tradit in igne bonem:
Vel caro uel pellis Christi carnis notat actus
Humanis oculis qui patuere foris;
Sanguine signatur uirtus interna, forenses

No English translation of Aurora presently exists.

["Numbers," lines 302-43. See Beichner, vol. I, pp. 192-94.]

Viuificans actus carnis eosque fouens;
Exprimiturque fimo sitis, esuries, labor, angor,
Mors, dolor et quicquid est sacra passa caro.
Singula das igni cum corde uel ore fateris
Flamine facta Sacro que Deus egit homo.
His cedrum flammis, ysopum, coccumque sacerdos
Tradit: uirtutum sunt tria forma trium,
Nam quisquis recolit Christi mortem, crucis ignem,
Munera uirtutum debet habere trium;
Vna fides, alia spes, est amor ultima uirtus;
Has ysopus, cedrus, coccus ubique notant.
Pectoris humores ysopi decoctio mundat,
Nosque fides mundat mundaque corda facit.
Alta petit cedrus, putrescere nescia: celi
Premia spes spondet que sine fine manent.
Que rubet in cocco, gemini tinctura coloris,
Est fraternus amor et Deitatis honor.

Iam post exploratores et botrum, post excidium superborum et sacerdotale thuribulum, post uirgam florentem et uitule combuste aspersionem, reuertamur ad mansiones .xvi. manssio in Ramoth.

Ramoth granati mali diuisio fertur
Et sextus decimus dicitur iste locus:
Ecclesie sancte gremium signatur in isto
Nomine, que mundum complet odore Bono,
Que ueluti multa tegit uno cortice grana
Cum plures populos colligit una fides.

Septima decima mansio in Lebna.

Lebna sonat laterem, qui fit de puluere terre;
Septimus et decimus dicitur iste locus.
Sepe quidem constat, dum per loca plurima transis,
Incurris lateres, terrea facta sequens.

Octava decima manssio in Rechsa.

Octauus decimus locus extat Rechsa sonatque
Frena, docens gressus te retinere uagos;
Nam si delinquis, debes imponere culpe
Frena, uagos gressus per sacra iussa tenens.

Post nonus decimus locus extat Celatha, signans
Ecclesiam, cuius te sacra scripta docent.

Videmus locus est in monte Sepher; sonat istud
Pulcher, id est, Christus, quem decet omne decus:
Hic est mons Sanctus ad quem conscendere debet
Virtutum gradibus quisque fidelis homo.

Arada, quod nomen resonat miracula nobis,
Bis denus primus dicitur esse locus:
In Christo meritis habitans, miraris in illo
Gaudia que nullus sermo referre potest.

Post illam Maceloth bis dena secunda paratur

No English translation of Aurora presently exists.