DENISON

["Recapitulationes," lines 357-404. See Beichner, vol. II, pp. 620-22.]

Iste cibus semper expenditur, iste redundat
Semper nec minui sine perire potest;
Sumptus in altari panis manet integer; ilium
Semper sumis, eum sumere semper habes.
"Ascendat caluus," pueri clamant Heliseo,
Sed necat ursus eos, deuorat ursus eos.
Iure notat caluus Christum: Caluaria nempe
Dicitur esse loci pars ubi Christus obit.
Vrsi sunt illi duo, Titus, Vespasianus;
Ierusalem ciues hic secat, ille necat;
Clamantes "Crucifige Iesum, crucifige" necantur,
Et patrum culpas tota propago luit.
Dans famulo baculum tardas, Helisee; ministro
Nil agitur, surgit te ueniente puer:
Non hominem saluat premisse littera legis;
Cepimus aduentu uiuere, Christe, tuo.

Totus fit Naaman mundatus dum subit undam:
Nos penitus mundat quos aqua sancta lauat.
Peccans Ozias Judeam denotat; eius
Fetet pollutum labe fluente caput:
Sic et Iudeos Dominumque fidemque negantes
Polluit impietas et mala fama necat.
Hic Ezechias, cui Index addidit annos,
Signat eos quibus est danda beata quies.
Iosias pascha sanctum facit, idola tollit:
Pascha Iesus faciens idola queque fugat.
Fit Sedechias cecus, delatus ad hostes:
Subiectus Sathane lumine mentis eget.
Sanctus Isaias pandit loca mystica tanquam
Sint euangelium que sua lingua sonat.
Castus homo natus Anathoth patiendo, loquendo
Te signauit in hat laude, benigne Iesu:
Nos tua lingua, Iesu, docuit; nos passio lauit;
Vtilis ecelesiis illa uel illa fuit.

Qui mala corripuit Ezechiel notat ilium
Qui mundi rector omnia recta docet.
Dum populo loquitur, labor et dolor opprimit ilium:
Dum docet hic plebem, fert patiturque crucem.
Electrum nitidum bineque uidentur ab illo
Virge; que latet hic mira figura fuit.
Fulget in electro nitor argenti, rubor auri:
Emicat in Domino cum Deitate caro.
Argentum carnem, Deitatem denotat aurum;
Carne Dei Verbum copulat illa duo.
Virga prior Virgo, crux altera uirga uocatur;
Illa decore placet, illa uigore ualet.
Vita datur mundo Vitam pariente Puella;
Vipereum frangit crux benedicta caput.

No English translation of Aurora presently exists.

["Recapitulationes," lines 405-52. See Beichner, vol. II, pp. 622-24.]

Floruit et uiguit pudor in Daniele, per illum
Et vigor exprimitur innuiturque pudor:
Efficitur Daniel qui floret carne pudica,
Quem non ad uitium ceca libido trahit;
Qui carnem macerat, qui rerum culmen abhorret,
Lubrica contempnit, cum Daniele uiget.

Dum mecham ducis, Osee, signas crticifixum:
Ecclesiam mecham pronuba mecha uiro.
0 prior ecclesia, prius idola uana colendo
Mecha quidem fueras corde dolosa Deo,
Sed conuersa modo fis regis amica superni,
Numina falsa cauens, carmina uera canens;
Nunc Domino laudes celebras, sponso canis hymnos,
Glorificans illum moribus, ore, fide;
Pro sponso ludis modo psalmis, uocibus, hymnis,
Cum quo gaudebis ac sine fine canes.

Porro Ioel sonat incipiens, hominemque petentem
Prima sacramenta dona notare potent.
Pastorem plebis in Amos pastore notabis;
Ille gregi, plebs proficit iste Dei.
Abdias, pascens centenos pane prophetas,
Altos doctores pontificesque notat,
Nam tales debent celestis nectare panis
Pascere credentes ecclesieque fidem.
Tales commendat celestis gratia; tardos
Lacte cibant, solido fortia corda cibo.

Tam sermone Ionas quam naufragio notat illum
Qui Patris est Sermo, naufraga corda docens.
Mittitur hic, missus metuit, metuens fugit, intrat
Vas fugienS, sompnum uase receptus init;
Vnda tumet, missa sons hunc facit in mare mergi,
Pisce uoratur homo, supplicat ille Deo;
Pisci precipitur ut quam tenet euomat offam;
Auctoris uerbo paruit ille sui;
Tertia quando dies primum iubar euomit orbi,
Euomit in terram belua iussa Ionam.
A Domino seruus, et Filius a Patre missus
Dicitur; hic Domino paruit, ille Patri.
Puppe Ionas dormit, moritur Iesus in cruce; serui
Ille sopor Domini mors preciosa fuit.
Puppis ligna crucem, tumulum Domini gula ceti
Signat; in hoc per tres dormiit ille dies.
Tertia facta dies uomuit de uentre prophetam:
De tumulo Dominum suscitat ista dies.

Cernit mente locum, pronuntiat ore Micheas
Quo paritura Deum regia Mater erat.
Nomine teste Naum consolator notat illos
Qui nos confortant et bona uerba sonant.

No English translation of Aurora presently exists.